អតិថិជនដែលមានសិទ្ធទទួលសេវា៖

សម្រាប់នាយកដ្ឋានដឹកជញ្ជូនផ្លូវទឹក ៖
• ជនជាតិខ្មែរ ឬបរទេសជារូបវន្តបុគ្គល ឬនីតិបុគ្គលដែលមានបំណងទទួលលិខិតអនុញ្ញាតធ្វើអាជីវកម្មដឹកជញ្ជូនផ្លូវទឹក ហើយបានបំពេញនូវបែបបទនិងនីតិវិធីស្របតាមលក្ខខណ្ឌ ដែលបានកំណត់ជាធរមាន
• សម្រាប់ជលយានដែលមានចំណុះផ្ទុកលើសពី ៤០តោន កំលាំងម៉ាស៊ីនលើសពី ៩០សេះ និងលើសពី៥០កៅអី។
• សម្រាប់ជលយានដែលមានធ្វើដំណើរឆ្លងកាត់ព្រំដែនគ្រប់ប្រភេទដោយមិនគិតពីលក្ខខណ្ឌនៃទំហំរបស់ជលយានឡើយ។

នីតិវិធីនៃការផ្ដល់សេវា៖

ដំណើរការនៃការផ្តល់សេវា (របស់នាយកដ្ឋាន)
1.    អតិថិជនដែលមកទទួលសេវាសាធារណៈត្រូវបំពេញទម្រង់ស្នើសុំ និងរៀបចំឯកសារដែលតម្រូវ មានដូចចែងខាងលើ
2.    មន្រ្តីទទួលពាក្យស្នើសុំ រៀបចំឯកសារ និងត្រួតពិនិត្យឯកសារ (តម្រូវឱ្យមានឯកសារគ្រប់គ្រាន់)
3.    អនុប្រធានការិយាល័យ ៖ ត្រួតពិនិត្យឯកសារអាជីវកម្មឆ្លងដែន ឬអាជីវកម្មក្នុងស្រុក
4.    ប្រធានការិយាល័យ ៖ ពិនិត្យឯកសារគ្រប់គ្រាន់ត្រឹមត្រូវ និងចុះហត្ថលេខា
5.    អនុប្រធាននាយកដ្ឋាន ៖ ពិនិត្យត្រឹមត្រូវ និងចុះហត្ថលេខា
6.    ប្រធានយកដ្ឋាន ៖ ពិនិត្យឯកភាព និងចុះហត្ថលេខា
7.    អគ្គនាយក ៖ ចុះហត្ថលេខាចុងក្រោយ

តម្រូវការឯកសារ ដើម្បីទទួលបានសេវា៖

សំណុំលិខិតសុំបណ្ណសំគាល់ជលយាន សម្រាប់ផ្ទេរកម្មសិទ្ធិជលយាន ៖

• ពាក្យស្នើសុំ ប្តូរម៉ាស៊ីន ព៌ណ កែមាឌ (មួយច្បាប់)
• ពាក្យសុំផ្ទេរកម្មសិទ្ធិ (មួយច្បាប់)
• លិខិតលក់ទិញ (មួយច្បាប់)
• បណ្ណសំគាល់ជលយានច្បាប់ដើម (មួយច្បាប់)
• អត្តសញ្ញាណបណ្ណ ឬបណ្ណគ្រួសារថតចំលង (មួយច្បាប់)
• កំណត់ហេតុត្រួតពិនិត្យលក្ខណៈបច្ចេកទេស (មួយច្បាប់)
• បង្កាន់ដៃពន្ធប្រថាប់ត្រា (មួយច្បាប់)

ប្តូរម៉ាស៊ីនកែមាឌ/ពណ៌ ផ្ទេរម្ចាស់កម្មសិទ្ធិ ៖

ក្រសួង សាធារណការ និងដឹកជញ្ជូន

១- នាយកដ្ឋានដឹកជញ្ជូនផ្លូវទឹក ៖

២- ការិយាល័យចុះបញ្ជី និងយានដ្ឋាននាវា ៖

ទទួលចុះបញ្ជីជលយានតាមផ្លូវទន្លេ និងផ្តល់ការអនុញ្ញាតបង្កើតយានដ្ឋាននាវា ដែលមានទីតាំងនៅក្នុងព្រះរាជាណាចក្រកម្ពុជា។
• ចុះបញ្ជីជលយាន ដែលមានចំណុះផ្ទុកលើសពី ៤០តោន កំលាំងម៉ាស៊ីនលើសពី ៩០សេះ
និងលើសពី៥០កៅអី។
• ចុះបញ្ជីជលយានគ្រប់ប្រភេទនៅតាមផ្លូវទឹកដែលឆ្លងកាត់ព្រំដែន ដោយមិនគិតពីលក្ខខណ្ឌនៃទំហំរបស់ជលយានឡើយ។